पूर्व प्रधानमन्त्री एवम् समाजवादी पार्टी नेपालका संघीय परिषद् अध्यक्ष डा. बाबुराम भट्टराईले प्रधानमन्त्री केपी शर्मा ओलीलाई हटाएर मुलुक बचाउनुपर्ने टिप्पणी गरेका छन् । 

सामाजिक सञ्जालमा बुधवार राती एक लेख लेख्दै उनले प्रधानमन्त्री ओली नेपाली प्रतिगमनका मुख्य खलनायक भएको समेत बताएका छन् । 

उनले अखाद्य वस्तु नखानु प्राणी जगतको शाश्वत स्वभाव भएको बताउँदै नेपाली राजनीतिमा जो जे पनि खान किन तयार भन्दै प्रश्न गरेका छन् । 

उनले लेखेका छन्,‘सर्वोच्च अदालतका दुवै फैसलापछि उनी एक मिनेट पनि सत्तामा बसिरहने कुनै तुक छैन । उल्टै उनी अरूको शिकारमा विषाक्त घाँस हाल्दैछन् ।’

यस्तो छ उनको टिप्पणी

अखाद्य बस्तु नखानु प्राणीजगतको शाश्वत स्वभाव हो।तर नेपाली राजनीतिमा जो जेपनि खान किन उद्यत?यतिवेला ओली नेपाली प्रतिगमनका मुख्य खलनायक हुन्।सर्वोच्चका दुवै फैसलापछि उनी एकमिनट सत्तामा बसिरहने कुनै तुक छैन।उल्टै उनी अरूको शिकारमा विषाक्त घाॅस हाल्दैछन्!किन नबुझेको?#ओलीहटाऊॅदेशबचाऊॅ

— Baburam Bhattarai (@brb1954) March 10, 2021