नेकपा  माओवादी  केन्द्रका  अध्यक्ष  तथा  पूर्वप्रधानमन्त्री  पुष्पकमल  दाहाल  ‘प्रचण्ड’ ले   अब   पार्टी   सङ्गठन   निर्माणलाई   अभियानका   रूपमा   अगाडि   बढाउने   बताएका छन् । नयाँ नमुना स्वास्थ्यकर्मी सङ्घ नेपालको राष्ट्रिय भेलालाई बिहीबार सम्बोधन गर्ने क्रममा प्रचण्डले  पार्टी  सङ्गठन  बलियो  बनाउन  अभियान चलाउन आफू काठमाडौँ बाहिर बस्ने सोचमा रहेको पनि जानकारी दिए । नयाँ साथी खोज्ने क्रममा पुराना साथी बिर्सिएकाले पार्टी कमजोर बनेको प्रचण्डले बताए । “योसँग मिलेर होला कि त्योसँग मिलेर होला  भनेर  धेरै  गरियो  तर  आफ्नै  साथी  छुट्दा, आफ्नै धरातल कमजोर हुँदा हामी अलिक  कमजोर  भएको  जस्तो  देखिएको  पनि  पक्कै  हो  ।  अब  फेरि  हामी  आफ्नै  धर्तीसँग  जोडिने,  आफ्नै  खुट्टामा  उभिने,  पुराना साथीलाई एकताबद्ध गर्ने र क्रान्तिकारी साथीसँग भर पर्ने हो”, उनले भने।  गोरखापत्रमा खबर छ।