१४ असार २०८३, आइतबार
नेपाल बैंकर्स संघका पदाधिकारीहरूले नेपाल राष्ट्र बैंकका नवनियुक्त डेपुटी गभर्नरहरुसँग औपचारिक भेटघाट गरेका छन् ।
संघका अध्यक्ष भुवन दाहालको नेतृत्वमा गएको टोलीले दुबै डेपुटी गभर्नरलाई भेटेको संघका प्रमुख कार्यकारी अधिकृत अनिल शर्माले लोकान्तरलाई जानकारी दिए ।
भेटमा कुनै पनि समस्या व्यक्त नगरिएको उनले बताए । उनले भने,‘पहिलो भेट हो, हामीले बधाई तथा शुभकामना ज्ञापन गर्यौं, अन्य बैंकिङ समस्याहरू भने राखेनौँ ।’
अघिल्लो साता सरकारले डेपुटी गभर्नरमा डा. निलम ढुङ्गाना तिम्सिना र बमबहादुर मिश्रलाई डेपुटी गभर्नर नियुक्त गरेको थियो । उनीहरुले भोलिपल्टै पदबहाली गरेका थिए ।
