३१ जेठ २०८३, आइतबार
नबिल बैंक लिमिटेडले प्राप्ति गर्न लागेको हल्ला चलेपछि नेपाल बंगलादेश बैंक लिमिटेडको शेयर मूल्यमा उछाल आएको छ ।
नेपाल बंगलादेश बैंक प्राप्तिका लागि नबिल बैंकले छलफल अघि बढाएको हल्ला चलेपछि उक्त बैंकको शेयर मूल्यमा सकारात्मक सर्किट लाग्ने अवस्था आएको हो ।
कारोवार शुरू भएको एक घण्टामै ३१ अंकले बढेर उक्त बैंकको शेयर मूल्य ३४९ पुगेको छ ।
अघिल्लो दिन ३ सय १८ मा कारोबार बन्द भएको थियो ।
शेयर बजारमा कुनै पनि कम्पनीको शेयर एकै दिनमा १० प्रतिशत भन्दा बढी बढ्न वा घट्न पाउँदैन ।
