०४ असार २०८३, बिहीबार
रुसका राष्ट्रपति भ्लादिमिर पुटिनले शिकारमा गएको तस्वीरहरू सार्वजनिक गरेका छन् ।
पश्चिमी मुलुकहरूसँग रुसको सम्बन्ध खस्किएको बेलामा पुटिनले स्ट्रङम्यान छवि प्रस्तुत गर्न शिकारको तस्वीर सार्वजनिक गरेका हुन् ।
उनले गत बिहीवार क्राइमिया हात पारेको सातौं वर्षगाँठको अवसरमा एक सांगीतिक कार्यक्रममा समेत भाग लिएका थिए ।
साइबेरियामा भेडाको छालाबाट बनेको लुगा लगाएका नयाँ तस्वीरहरू उनले सार्वजनिक गरेका छन् । उनले सबै खाले ठाउँमा चलाउन मिल्ने गाडी हाँकेको र जमेको नदीमाथिको पुल तरेको तस्वीर समेत खिचाएका छन् ।
पछि उनी जंगलमा रक्षामन्त्री सर्गे शोइगुसँग पिकनिकमा सहभागी भएका थिए । टेबलमा भोड्काका ग्लासहरू देखिन्छन् भने बस्ने ठाउँ तताउन जनावरको छाला राखिएको छ । 
