०३ असार २०८३, बुधबार
भारतको तमिलनाडु विधानसभा निर्वाचनको मिति नजिकिँदै गर्दा प्रचारले पनि तीव्रता पाएको छ ।
मतदाताहरूलाई लोभ्याउनका लागि प्रमुख दलहरूका उम्मेदवार लागिपरेका छन् ।
यसैक्रममा कुम्भकोणममा एआईएडीएमके फ्रन्टका श्रीधर वांडायरले सिलंबम युद्धकला प्रदर्शन गरेका छन् । उक्त युद्धकला गरिरहेका युवकहरूको एक समूहलाई देखेपछि उनी पनि बाँसको लट्ठी लिएर घुमाउन थालेका थिए ।
सिलंबम तमिलनाडुको एक प्रकारको मार्शल आर्ट हो । यो तमिल शब्द सिलम (पहाड) र बम (बाँस) बाट मिलेर बनेको हो । खेलमा प्रयोग गरिने बाँस केरलको कुरिनजी पहाडमा पाइने विशेष बाँस हो ।
यो संसारको सबभन्दा प्राचीन मार्शल आर्टमध्ये एक मानिन्छ । विगत पाँच हजार वर्षदेखि यो अस्तित्वमा रहेको विश्वास छ ।
तमिलनाडुमा ६ अप्रिलमा चुनाव हुँदैछ ।
