प्रधानमन्त्री केपी शर्मा ओलीले प्रतिनिधि सभा विघटन आफ्नो शोख या इच्छा नभएको बताएका छन् । लोकान्तर डट्कमलाई शनिवार दिएको विशेष अन्तरवार्तामा ओलीले सभामुख अग्नि सापकोटाको भूमिकाप्रति पनि निकै गुनासो गरेका छन् ।

‘प्रतिनिधि सभा विघटन मेरो शोख होइन, मेरो इच्छाले गरेको होइन, बाध्यताले गरेको थिएँ, अब पनि मेरो कुनै शोख छैन । यदि संविधानले धकेलेर त्यही पुर्‍यायो भने म गरुँ के ?  संविधानले फेरि अर्को प्रक्रियाबाट पनि त्यही पुर्‍यायो भने तपाईं गर्नुहुन्छ के त ?' उनले भने ।

जसपासँगको सत्ता साझेदारी र सांसद रेशम चौधरीको रिहाइ, पुष्पकमल दाहाल प्रचण्डसँगको आगामी सहकार्यको सम्भावना, माधव नेपाल समूहसँग गर्ने व्यवहार र कार्वाही तथा भारतीय प्रधानमन्त्री नरेन्द्र मोदीसँगको सम्वन्धबारे प्रधानमन्त्री ओलीले खुलस्त संवाद गरेका छन् ।
हेर्नुहोस्, लोकान्तर डट्कमका प्रधान सम्पादक विमल गौतमले प्रधानमन्त्री ओलीसँग गरेको सवा घण्टा लामो विशेष अन्तरवार्ता