२३ जेठ २०८३, शनिबार
महानगरीय प्रहरी परिसर ललितपुरले पहिलो पटक सवारी चालकले लागूऔषध सेवन गरे नगरेको परिक्षणको शुरूवात गरेको छ ।
आइतवार फागु पूर्णिमालाई सुरक्षित बनाउनको लागि ललितपुरको १३ ठाउँमा लागूऔषध सेवन गरेको नगरेको परिक्षण गरिएको महानगरीय प्रहरी प्रहरी परिसर ललितपुरकी प्रमुख प्रहरी वरिष्ठ उपरीक्षक (एसएसपी) किरण बज्राचार्यले बताइन् ।
परिक्षणको क्रममा ७ जनाको परिक्षण गर्दा ३ जनाले लागूऔषध पोजेटिभ अर्थात सेवन गरेको पाइएको परिसर ललितपुरले जनाएको छ ।
परिसरले र्यापिड टेष्ट किटले परिक्षणको सुरुवात गरेको थियो ।
होलीमा ट्राफिक नियम उल्लङ्घन गर्ने ४३५ जनालाई कारवाही गरेको छ भने १६५ सवारी साधन होल्ड गरेको छ ।
