०४ साउन २०८३, सोमबार
डिफेन्डिङ च्याम्पियन मनाङ मस्र्याङ्दी क्लब १९ औं आहारारा गोल्डकप फूटबल प्रतियोगिताको पहिलो चरणबाटै बाहिरिएको छ ।
पोखरा रंगशालामा सोमवार तेस्रो क्वार्टरफाइनलमा मनाङको चुनौती संकटा क्लबले १–० ले पन्छाउन सफल भएको हो ।
खेलमा संकटाका लागि अफ्रिकन खेलाडी फोफोना नायक बने । खेलको ४४ औं मिनेटमा उनले बललाई विपक्षीको गोलपोस्टको जाली चुमाउन सफल भएका थिए ।
पहिलो हाफको अन्त्यतिर मनाङले लिएको १–० को अग्रता निर्धारित ९० मिनेटसम्म कायम हुँदा संकटाले साविक विजेता मनाङलाई घर पठाउन काफी भएको थियो ।
खेलमा अमित तामाङले फ्रिकिकलाई मैदानको दायाँ भागमा सुवास गुरुङलाई पास उपलब्ध गराएका थिए । सोही बल मनाङका खेलाडीबाट फर्केको बल फोफोनालाई गोलको अवसर जुरेको हो ।
प्रतियोगितामा फोफोना म्यान अफ दी म्याच घोषित हुँदै नगद ५ हजार पुरस्कार जिते । जितसँगै संकटाले पहिलो सेमिफाइनल खेल एपीएफ क्लबसँग खेल्ने छ ।
सहारा क्लब पोखराले आयोजना गरेको प्रतियोगितामा मनाङ ६ पटकको च्याम्पियन हो । मंगलवारको खेल रुस्लान थ्रीस्टार र नेपाल पुलिस क्लबबीच हुने आयोजकले जनाएको छ ।
