२८ असार २०८३, आइतबार
उत्तरी आयरल्यान्डको राजधानी बेल्फास्टमा दुईतल्ले बसमा विरोधकर्ताहरूले आगजनी गरेपछि पूर्णतः नष्ट भएको छ । उक्त क्षेत्रमा विगत एक सातादेखि तनावको स्थिति छ ।
सामाजिक सञ्जालमा शेयर गरिएको भिडियोमा मानिसहरूले बसमा पेट्रोल बम हानेको देखिन्छ । त्यतिखेर चालक बसभित्रै थिए र गाडी शानकिल रोड जाँदै थियो । भीडले गाडीलाई नियन्त्रणमा लिन खोजेको थियो ।
उत्तरी आयरल्यान्डका प्रथम मन्त्री आर्लिन फोस्टरले घटनाको निन्दा गर्दै ट्वीट लेखे, ‘यो विरोध प्रदर्शन हैन । यो ध्वंस र ज्यान मार्ने उद्योग हो ।’
प्रहरीका अनुसार, लानार्क वेको इन्टरफेस गेट्समा ढुंगा फालिएका थिए र फोहर राख्ने भाँडामा आगो लगाइएको थियो ।
बेल्फास्ट नजिक कारिकफेर्गस शहरमा पनि दंगा भएका थिए ।
सिन फाइन पार्टीका राजनीतिकर्मीहरूले प्रोभिजनल आइरिश रिपब्लिकन पार्टीका एक स्वयंसेवीको अन्त्येष्टिमा सहभागी बनेको विषयले तनाव जन्माएको हो । उनीहरूलाई अभियोजन गर्नुपर्ने मागलाई बेवास्ता गरिएको थियो ।
अनि संयुक्त अधिराज्यले युरोपेली संघसित गरेको ब्रेक्जिट सम्झौताको एक महत्त्वपूर्ण प्रावधानका विषयमा पनि तनावको स्थिति छ ।
Bus being torched top of Shankill pic.twitter.com/2UCmOOxrT5
— Tom (@Belfastom) April 7, 2021
