०२ असार २०८३, मंगलबार
मकवानपुर जिल्लाको हेटौंडा उपमहानगरपालिका–९ शान्तिचोकमा सोमवार बिहान करेन्ट लागेर २ जनाको मृत्यु भएको छ ।
मृत्यु हुनेमा स्थानीय अन्दाजी ३५ वर्षीय समीर पाख्रिन र उनकी पत्नी ३० वर्षीया अन्सु पाख्रिन रहेको जिल्ला प्रहरी कार्यालय मकवानपुरका प्रहरी नायब उपरीक्षक प्रवक्ता जयश्वर रिमालले बताए ।
उनका अनुसार बिहान ९ बजे आफ्नो घरको मिटर बक्समा झोलिएको तारलाई फलामको डण्डीले उठाउन खोज्ने क्रममा करेन्ट लागेर गम्भीर घाइते भएका पाख्रिन दम्पतीको हेटौंडा अस्पतालमा उपचारको क्रममा मृत्यु भएको हो ।
मृतक दम्पतीको शव हाल हेटौंडा अस्पतालमा राखिएको जिल्ला प्रहरी कार्यालय मकवानपुरले जनाएको छ ।
