१६ असार २०८३, मंगलबार
सेती नदीमा नुहाउने क्रममा बगेर शनिवार दिउँसो १ जना बेपत्ता भएका छन् ।
बेपत्ता हुनेमा जिल्लाको सायल गाउँपालिकाका करीब ३०/३१ वर्षीय सूर्यबहादुर बोगटी रहेका छन् ।
दिपायल सिलगढी नगरपालिका–४ पिपल्लास्थित सेती नदीमा नुहाउने क्रममा बोगटी बगेर बेपत्ता भएको इलाका प्रहरी कार्यालयका प्रमुख प्रहरी नायब उपरीक्षक रुपसिंह थापाले जानकारी दिए ।
बागटीले लगाएको कपडा नदीको किनारामा भेटिको तर उनी अहिलेसम्म पनि भेटिएका छैनन् । नेपाल प्रहरी, सशस्त्र प्रहरी तथा स्थानीयले उनको खोजी गरिरहेका छन् । नदीमा पानीको बहाव बढी भएका कारण खोजी कार्यमा समस्या भइरहेको प्रहरीले जनाएको छ ।
गर्मी बढेका कारण उक्त नदीमा नुहाउन जानेको संख्या बढ्दै गएकाले गत चैतमा नदीमा पौडी खेल्दा १ जना डुबेर मृत्यु भएको थियो ।
