३० जेठ २०८३, शनिबार
भारतबाट हवाईमार्ग हुँदै नेपाल आउने अनि यताबाट तेस्रो मुलुक जाने भारतीय राहदानी धारकहरूले नो अब्जेक्सन सर्टिफिकेट (एनओसी) देखाउनु नपर्ने भनी काठमाडौंस्थित भारतीय दूतावासले बुधवार सूचना जारी गरेको छ ।
यो सुविधा बिहीवारदेखि जुन १९ सम्म लागू हुने दूतावासको कथन छ ।
तर भारतबाट नेपालमा स्थलमार्ग भएर प्रवेश गर्ने वा राहदानीबाहेकका अन्य परिचयपत्र लिएर आएका भारतीयहरूले तेस्रो मुलुक जानुपरेमा काठमाडौंमा रहेको भारतीय दूतावासबाट एनओसी लिनुपर्नेछ ।
यस विषयमा त्रिभुवन विमानस्थलमा रहेका इम्मिग्रेसन अधिकारीहरूलाई जानकारी गराइसकेको र उनीहरूले भारतीय यात्रुहरूलाई तेस्रो मुलुक जानका लागि सहजीकरण गर्ने भारतीय दूतावासले जनाएको छ ।
