१२ असार २०८३, शुक्रबार
इटलीका एक अस्पताल सुरक्षा अधिकृतले विगत १५ वर्षदेखि एक दिन पनि कार्यालय नगइकन तलब थापेको खुलासा भएको छ ।
सार्वजनिक स्वास्थ्यकर्मी साल्भातोर स्कुमेसले राज्यलाई ७ करोड ८२ लाखभन्दा बढी रकम घाटा लगाएका हुन् । उनले आफू पुग्लिएज–चियाचियो अस्पतालमा अग्नि सुरक्षा अधिकृत भनी ढाँट्ने गरेका थिए ।
उनलाई अस्पतालमा एकपटक मात्र देखिएको थियो । सन् २००५ मा जागिरको सम्झौता गर्न मात्र उनी अस्पताल पुगेका थिए ।
स्कुमेसविरुद्ध ठगी र पदको दुरुपयोगको मुद्दा लगाइएको छ ।
उनले अस्पतालका निर्देशकहरूलाई आफ्नो बारेमा खुलासा गरेमा उनीहरूको नातेदारलाई सिध्याइदिने भनी धम्की दिने गरेका थिए ।
उनीमाथिका ६ जना हाकिमलाई पनि अनुसन्धानको दायरामा ल्याइएको छ ।
उक्त अस्पतालमा काम गर्ने भनिएका थप ५७ कर्मचारीलाई पनि बर्खास्त गरिएको छ । उनीहरू हाजिर गर्ने अनि बारमा गएर रक्सी पिउने वा खेल खेलेर बस्ने गरेका थिए ।
