१४ असार २०८३, आइतबार
थाइल्यान्डको धम्मकाया मन्दिरमा बिहीवार राति ३ लाख ३० हजारवटा मैनबत्ती बालिएको छ ।
पृथ्वी दिवसको अवसरमा बिजुलीको साटो मैनबत्ती बालिएको हो । बौद्ध भिक्षुहरूले ७८ एकडको मन्दिर परिसरमा मैनबत्तीहरू बालेर पृथ्वीलाई माया गर्न सुझाव दिए ।
यति धेरै मैनबत्ती एउटै ठाउँमा बालेको यो विश्व कीर्तिमान हो र गिनिज बूकमा यो दर्ज भएको छ ।
तर एकैपटक धेरै मैनबत्ती बाल्दा वातावरण अभियन्ताहरूले आलोचना गरेका छन् । उनीहरूका अनुसार, मैनबत्ती विषालु रसायनबाट बन्छन् र तिनको धूवाँले वातावरण प्रदूषित हुन्छ ।
यसमा बौद्ध भिक्षुहरूले सफाइ दिँदै भने, ‘यी मैनबत्तीहरू विश्व कीर्तिमान बनाउनका लागि बालिएका थिए । तर उद्देश्य पूरा हुनेबित्तिकै यिनलाई निभाइएको थियो ।’
