०६ असार २०८३, शनिबार
जिल्ला प्रशासन कार्यालय रुपन्देहीले बिहीवार बिहान ६ बजेदेखि लागू हुनेगरी जिल्लाभर निषेधाज्ञा जारी गरेको छ ।
वैशाख ३० गते बिहान ६ बजेसम्मको अवधिका लागि निषेधाज्ञा जारी गरिएको जिल्ला प्रशासन कार्यालय रुपन्देहीका प्रशासकीय अधिकृत जनक थापाले जानकारी दिए ।
निषेधाज्ञा अवधिभर औषधि उपचार र अन्य अत्यावश्यक कामबाहेक घरबाहिर निस्कन नदिने भएको छ ।
अत्यावश्यक सवारी साधनलाई मात्र सञ्चालन गर्न दिइने छ ।
जसमा शान्ति सुरक्षा, स्वास्थ्य, खानेपानी, दूध, विद्युत्, दमकल, सञ्चार, भन्सार, क्वारेन्टीन, फोहर मैला व्यवस्थापन, इन्धन, एम्बुलेन्स, स्वास्थ्यकर्मी, औषधि तथा अत्यावश्यक वस्तु र मालसामान ओसारपसार गर्ने ढुवानीका साधनहरू रहेका छन् ।
त्यसैगरी अत्यावश्यक बाहेकका पसल व्यवसाय बन्द गरिने भएको छ ।
