२२ असार २०८३, सोमबार
भारतको उत्तर प्रदेशमा रहेको गाजियाबादमा राजकुमार नामक व्यक्तिले छोरीज्वाइँलाई विवाहमा आशीर्वाद दिएलगत्तै प्राणत्याग गरेका छन् ।
कोरोना संक्रमित राजकुमारलाई कुनै पनि अस्पतालमा शय्या उपलब्ध भएन । अक्सिजनको व्यवस्था पनि भएन ।
दुई दिनअघि मात्र उनकी छोरी पारुलको विवाह थियो । विवाहको तयारीमा दौडधुप गरेको परिवार राजकुमारको जीवन बचाउनका लागि दौडधुप गर्न बाध्य भयो ।
उपचार नपाइएपछि राजकुमारलाई टोलको कोरोना आपतकालीन सेवा केन्द्र लगियो । त्यहाँ अक्सिजन कन्सनट्रेटरको सहायता लिएर राहत दिने कोशिश गरेको भए पनि राजकुमारलाई ज्यान नबच्ने लागेकाले छोरीको विवाह आफ्नै आँखाअगाडि होस् भन्ने इच्छा व्यक्त गरे ।
कोरोना सेवा केन्द्रमै सादा किसिमले विवाह सम्पन्न भयो । टोलको मन्दिरका पुजारीलाई बोलाइयो र राजकुमारकै अगाडि छोरीज्वाइँले जयमाल (एकअर्कालाई माला लगाउने काम) गरे । त्यसपछि छोरीज्वाइँलाई आशीर्वादले राजकुमारले अन्तिम सास फेरे ।
