काठमाडौं, १६ जेठ – बाजुराको कोल्टी विमानस्थल नजिकै नेपाली सेनाको स्काई (ट्रक) विमान दुर्घटनामा परेको छ । एयरपोर्ट भन्दा करीब २० मिटर पर खेतमा विमान दुर्घटनाग्रस्त भएको हो ।
सुर्खेतबाट कालिकोटका लागि उडेको उक्त विमान मौसमका कारणले कालिकोटमा अवतरण गर्न नसकेपछि बाजुरातर्फ आएको प्रहरीले जनाएको छ । दुर्घटनामा विमानमा रहेका दुई जना घाइते भएका छन् । थप विवरण आउन बाँकी छ ।
कल साइन एनए ०४८ को स्काइ ट्रक जहाज दुर्घटनामा परेको हो । नेपालगञ्जबाट कार्गो (सामान) बोकेको कालिकोट तर्फ गएको जहाज कालिकोटमा अवतरण गर्न नसकेपछि बाजुरातर्फ डाइभर्ट भएको थियो ।
दुर्घटनाबाट विमानको अघिल्लो भाग क्षतिग्रस्त भएको छ ।
