२२ जेठ २०८३, शुक्रबार
काठमाडौं, १६ जेठ — योगगुरु तथा व्यापारी बाबा रामदेव आफ्ना उत्पादनको शुद्धताका बारेमा ठूलठूला कुरा गर्छन् । तर उनको पतञ्जलि कम्पनीका उत्पादनको हालै गरिएको गुणस्तर परीक्षणले सबै पोल खोलिदिएको छ ।
सन् २०१३ देखि २०१६ सम्म बटुलिएका ८२ वटा नमूनामध्ये ३२ वटा त क्वालिटी टेस्टमा पूरै फेल भए । उत्तराखण्डको एक ल्याबमा परीक्षण गर्दा पतञ्जलिका करीब ४० प्रतिशत उत्पादन गुणस्तरहीन भेटिएका हुन् ।
पतञ्जलिको दिव्या आँवला रस र शिवलिंगी बीज गुणस्तर परीक्षणमा असफल भएका हुन् । अघिल्लो महिना भारतीय सेनाले पतञ्जलिको अमला जुसमाथि प्रतिबन्ध लगाइदिएको थियो ।
उत्तराखण्ड सरकारको ल्याबमा हेर्दा अमलाको जुसमा तोकिएको भन्दा कम पीएच मात्रा पाइयो ।
सूचनाको हक अन्तर्गत प्राप्त जानकारी अनुसार शिवलिंगी बीजको ३१.८६ प्रतिशत भाग विदेशी थियो ।
रामदेवका सहयोगी तथा पतञ्जलिका व्यवस्थापन निर्देशक आचार्य बालकृष्णले ल्याबको रिपोर्टलाई खारेज गरेका छन् ।
एजेन्सी
