३१ जेठ २०८३, आइतबार
इजरायलको जेरुसेलममा रहेको अल–अक्सा मस्जिद नजिक इजरायली प्रहरी र प्यालेस्टाइनीहरूका बीच सोमवार ताजा भिडन्त भएको छ ।
प्यालेस्टाइनीहरूले इजरायली सुरक्षाबलमाथि ढुंगा प्रहार गरेका थिए । सुरक्षाकर्मीहरूले स्टन ग्रिनेड प्रहार गरेका थिए ।
विगत तीन दिनदेखि भइरहेका भिडन्तमा परी सयौं प्यालेस्टाइनी र २० भन्दा बढी इजरायली प्रहरी घाइते भएका छन् ।
सोमवार वार्षिक जेरुसेलम डे फ्ल्याग मार्चमा थप हिंसा हुने आशंका छ ।
इजरायलले सन् १९६७ मा पूर्वी जेरुसेलम कब्जा गरेको अवसरमा उक्त मार्च निकाल्न लागिएको हो । त्यस दिन युवा जायोनिस्टहरू मुसलमानबहुल क्षेत्र हुँदै हिँड्छन् ।
धेरै प्यालेस्टाइनीहरूले यसलार्य जानाजान उत्तेजित पार्ने कामका रूपमा लिने गरेका छन् ।
प्यालेस्टाइनी परिवारहरूलाई हटाइने धम्कीका बीचमा महिनौंदेखि तनावको स्थितिका कारण पछिल्लो हिंसा भएको हो ।
VIDEO: Palestinian protesters and Israeli security forces clash, water cannon deployed.
— AFP News Agency (@AFP) May 10, 2021
Palestinian protesters and Israeli security forces clash in East Jerusalem, as tensions boil over the postponement of a key court hearing on a flashpoint property dispute pic.twitter.com/tiLicx0Vq5
