काठमाडौं, १७ जेठ– नेपालले श्रीलंकाका बाढीपीडितको सहयोगार्थ श्रीलंकाली सरकारलाई झनडै ५२ करोड (५१ करोड ८५ लाख) रुपैयाँ सहयोग गर्ने भएको छ ।
बुधबार बिहान बसेको मन्त्रिपरिषद बैठकले श्रीलंका सरकारलाई ५० लाख अमेरिकी डलर सहयोग गर्ने निर्णय गरेको हो ।
गत शनिबारदेखि भएको भारी वर्षापछि आएको बाढीले श्रीलंकामा करिब २०० भन्दा बढी व्यक्तिको मृत्यु भइसकेको छ । बाढीका कारण लाखौं नागरिक विस्थापित भएका छन् ।
सो विपत पछि श्रीलंका सरकारले औपचारिक रुपमै विदेशी सहायताका लागि आह्वान गरेको थियो ।
