०५ साउन २०८३, मंगलबार
इजरायलले गाजामा गरेको हवाई आक्रमणका कारण ध्वस्त भएको घरको भग्नावशेषबाट ६ वर्षीया एक बालिका जीवितै उद्धार गरिएकी छन् ।
सुजी इशकुन्ताना नामक ती बालिकालाई उद्धारकर्ताहरूले भग्नावशेषबाट निकालेका हुन् । आक्रमणमा परी सुजीकी आमा र चार दाजुभाइ दिदीबहिनीको मृत्यु भएको छ ।
उनी शरीरमा धूलैधूलो थियो र एम्बुलेन्समा लैजाँदा उनी रोइरहेकी थिइन् ।
उनी भग्नावशेषमा सात घन्टा पुरिएकी थिइन् । शिफा अस्पतालमा उनले पितालाई भेटेकी थिइन् । पिता पनि घाउचोट लागेपछि त्यहीँ उपचार गराइरहेका थिए ।
पिता रियादले छोरीलाई भने, ‘माफ गर, छोरी । तिमीले चिच्याएर बोलाएकी थियौ तर म आउन सकिनँ ।’
उनीहरूको घरमा आइतवार बिहान इजरायलले आक्रमण गरेको थियो ।
