०६ असार २०८३, शनिबार
कोरोना संक्रमणको दोस्रो लहर फैलिएसँगै जिल्ला कारागार रौतहटमा रहेका कैदीबन्दीसँगको भेटघाट बन्द गरिएको छ ।
संक्रमण फैलिने जोखिमलाई ख्याल गर्दै भेटभाट बन्द गरिएको कारागार प्रशासनले जनाएको छ ।
जेलर शम्भुप्रसाद यादवले जिल्लामा संक्रमितको संख्या वृद्धि भएकाले कैदीबन्दीसँगका भेटघाट बन्द गरिएको जानकारी दिए । कारागारमा हाल १४ महिलासहित ३६७ बन्दी छन् ।
वीरगञ्ज कारागारमा रहेका कैदीबन्दीलाई स्वास्थ्य सुरक्षा मापदण्ड अपनाएर भेटघाट गर्न दिने गरेको जेलर कृष्ण गैरेले बताए । कारागारमा महिला पुरुष गरी १ हजार २६८ बन्दी छन् ।
