०५ असार २०८३, शुक्रबार
अमेरिकाका राष्ट्रपति जो बाइडनले एकजना पत्रकारलाई मजाक गर्दै गाडीले कुल्चिदिन्छु भनेपछि उनको आलोचना भएको छ ।
मिशिगनको डियरबोर्नमा फोर्डको कारखानामा एफ–१५० लाइटनिङको परीक्षण ड्राइभिङका क्रममा बाइडन पत्रकारहरू भेला भएको ठाउँमा पुगेका थिए ।
त्यसक्रममा एक रिपोर्टरले सोधे, ‘तपाईंलाई इजरायलका बारेमा एउटा प्रश्न सोधिहालौं ?’
‘अहँ, हुन्न । तपाईं गाडी अगाडि आउने अनि मैले कुल्चेर अगाडि बढ्ने हो भने मात्र,’ बाइडनले जवाफ फर्काए ।
ट्विटरमा उनको यो भनाइलाई राजनीतिक विश्लेषकहरूले आलोचना गरेका छन् । यही कुरा पूर्व राष्ट्रपति डोनल्ड ट्रम्पले भनेको उनलाई सबैले खेद्ने थिए भनी उनीहरूले लेखे ।
बाइडनले फोर्डको पहिलो विद्युतीय ट्रकको परीक्षणका लागि पुगेका थिए ।
