१९ असार २०८३, शुक्रबार
भारतमा चक्रवाती तुफान ताउतेको असर कमजोर हुँदै गएको भए पनि राजधानी दिल्लीमा त्यसको असर अझै देखिँदैछ ।
बुधवार दिल्लीमा वर्षाले विगत ७० वर्षको कीर्तिमान भंग गरेको छ । ६० मिलिमिटरको कीर्तिमान तोडिएको हो । त्यहाँ अहिले पनि अलिअलि पानी परिरहेको छ ।
अत्यधिक वर्षा भएपछि दिल्ली–एनसीआरमा धेरै ठाउँ जलमग्न भएको छ ।
नजफगढमा अत्यधिक वर्षाका कारण सडक भासिएपछि एउटा ट्रक नै भित्र पसेको छ । क्रेन र जेसीबीको सहायताले ट्रकलाई निकाल्ने काम भइरहेको छ ।
दिल्लीमा पछिल्लो २४ घन्टामा ११९ मिलिमिटर वर्षा भयो ।
बुधवार दिल्लीको अधिकतम तापक्रम २३.८ डिग्रीमा सीमित रह्यो जबकि सामान्य समयमा लगभग ४० डिग्री हुने गर्थ्यो ।
बिहीवारबाट वर्षा घट्दै जाने मौसम विभागले जनाएको छ ।
