काठमाडौं, १८ जेठ– चितवनको भरतपुर महानगरपालिकाको मतगणनाको क्रममा जेठ १४ गते राती मतपत्र च्यातिएको विषयमा राष्ट्रिय मानव अधिकार आयोगले ध्यानाकर्षण भएको जनाएको छ ।
आयोगले यस सम्बन्धमा तत्कालै अनुगमन टोली खटाई प्रतिवेदन प्राप्त गरेको पनि जनाएको छ ।
आयोगले नियमसंगत निर्वाचन प्रक्रिया अगाडि बढाउन पनि आग्रह गरेको छ । आयोगले ‘मानव अधिकारको विश्वव्यापी घोषणापत्र, १९४८’, ‘नागरिक तथा राजनीतिक अधिकारसम्बन्धी अन्तर्राष्ट्रिय अनुबन्ध, १९६६’, ‘निर्वाचन आचारसंहिता’ २०७३ तथा नेपालको प्रचलित संविधानको मर्म र भावना अनुकूल स्वच्छ र निष्पक्षताका साथ निर्वाचन प्रक्रिया सम्पन्न हुन दिनु सबै राजनीतिक दल, उम्मेदवार, निजका प्रतिनिधिहरू समेतको कर्तव्य हुने आयोगको भनाइ छ ।
