०३ साउन २०८३, आइतबार
नेकपा एमालेका १ सय २१ जना सांसद नै आफूसँग रहेको दाबीसहित प्रधानमन्त्री केपी शर्मा ओली राष्ट्रपति भवन शीतल निवास पुगेका छन् ।
आफू अध्यक्ष र संसदीय दलको नेता समेत रहेका माधव नेपालले दिएको हस्ताक्षर वैध नहुने जिकिर उनले राष्ट्रपतिसमक्ष गरेका छन् ।
यता कांग्रेस सभापति शेरबहादुर देउवा माधव नेपाल पक्षका २७ सहित १ सय ४९ सांसदको हस्ताक्षर बोकेर शीतलनिवास पुगेका छन् ।
यो सबै नाटक राष्ट्रपतिलाई विवादमा तान्न गरिएको भन्ने आफूहरूको बुझाइ रहेको नेकपा एमालेका एक नेताले बताए ।
उनले प्रधानमन्त्री ओलीले यसअघि नै संविधानको धारा ७६ (५) को सरकारमा दाबी पेश गरिसकेको जिकिर पनि गरे ।
राष्ट्रपतिसँगको भेटमा ओलीले माधव नेपाल पक्षीय ५ सांसदको हस्ताक्षर दुरुपयोग भएको जानकारी पनि राष्ट्रपतिलाई गराएको स्रोतले जानकारी दियो ।
सुरेन्द्र पाण्डे, गोकर्ण विष्ट, घनश्याम भुसाल, नारायण खतिवडा र गणेश पहाडीले आफूहरूको हस्ताक्षर दुरूपयोग भएको भन्दै ओलीलाई जानकारी गराएको र सोही सन्देश ओलीले राष्ट्रपतिलाई दिएको स्रोतको दाबी छ ।
