चार्टड एकाउन्टेन्ट्स संघले सञ्चालनमा ल्यायो ३ सय शैयाको आइसोलेसन केन्द्र, नेपालकै ठूलो भएको दावी

नेपाल चार्टड एकाउन्टेन्ट्स संघले काठमाडौंको नागार्जुन नगरपालिका वडा नं १, ईचाङ्गुनारायण रानीवनमा  अक्सिजन सहितको ३०० शैया क्षमताको नेपालकै ठूलो आइसोलेसन केन्द्र सञ्चालनमा ल्याएको छ ।

संघले सरकारको खाली रहेको ब्लक ए भवनमा शनिवारदेखि केन्द्र सञ्चालनमा ल्याएको हो ।

उक्त आइसोलेसन केन्द्र अनुमती प्राप्त सर्वाङ्ग स्वास्थ्य सदन सेवा केन्द्र प्रा.लि. संस्थाको प्राविधिक सहयोगमा एक्यानले सञ्चालन गर्ने छ । 

समयमै कोरोनाको सामान्य लक्षण देखिना साथ अक्सिजनको ब्याकअप र नर्स र चिकित्सकको चौबिसै घण्टा निगरानीमा आइसोलेसनले सेवा उपलब्ध गराउने संघले जनाएको छ । 

संघका अनुसार, यसलाई ३ महिनासम्म सन्चालनमा ल्याइने छ । हाल सुरुमा ५० शैया अक्सीजन युक्त रहने आईसोलेसन केन्द्र एक हप्तामा पूर्ण क्षमतामा सञ्चालन हुनेछ ।