२४ जेठ २०८३, आइतबार
दलाई लामाका उत्तराधिकारीका रूपमा लिइएका ओग्येन त्रिन्ले दोर्जेविरुद्ध भिक्की हुई सीन हानले आफूहरूको विवाह जस्तो सम्बन्ध रहेको भन्दै सन्तानको हेरचाह र आफ्नो खर्चका लागि मुद्दा दायर गर्ने भएकी छन् ।
दोर्जेलाई उनका करोडौं अनुयायीहरू १७औं ग्यालवाङ कर्मापा मान्छन् । भिक्कीले दोर्जेलाई चारपटक मात्र भेटेको बताइन् ।
क्यानडाको ब्रिटिश कोलम्बियामा बस्ने हानलाई त्यहाँको अदालतले दोर्जेविरुद्ध मुद्दा दायर गर्नका लागि अनुमति दिएको बताइएको छ ।
हान बौद्ध भिक्षुणी बन्नका लागि न्यासध्यान गरिरहेकी छन् । सन् २०१७ मा दोर्जे न्युयोर्कको भ्रमणमा आउँदा आफू गर्भवती बनेको उनी दाबी गर्छिन् ।
आफूहरूबीच प्रेमिल र स्नेही सम्बन्ध कायम भएको र मेसेज, ईमेल र टेलिफोनमार्फत सम्पर्क गरिरहेको उनी बताउँछिन् । दोर्जेले आफूलाई सात लाख डलरभन्दा बढी रकम पठाएको दाबी पनि उनले गरेकी छन् ।
कर्मापा लामाले हानसँग कुनै किसिमको शारीरिक सम्बन्ध नरहेको बताएका छन् । आफूले भावनात्मक र आर्थिक सहयोग मात्र गरेको उनको भनाइ छ ।
बौद्ध धर्ममा भिक्षुहरूबीचको यौन सम्पर्कलाई पाप मानिन्छ ।
अप्रिल २०२२ मा यो मुद्दा पुर्पक्षमा जाने सम्भावना छ ।
