२६ असार २०८३, शुक्रबार
म्यान्मारको पूर्वी भागमा रहेको क्षेत्रमा विद्रोही लडाकूहरूसँगको भिडन्तमा २० सुरक्षाकर्मीहरूसँगको मृत्यु भएको दाबी विद्रोहीहरूले गरेका छन् ।
एउटा लडाइँमा पिपुल्स डिफेन्स फोर्स नामक सैन्य शासकविरोधी नागरिक समूहले शान राज्यको मोब्येल शहरमा एक प्रहरी चौकी कब्जामा लिएको र त्यसक्रममा २० जना प्रहरीको मृत्यु भएको बताएको छ ।
प्रहरी चौकीमा आगजनी गरिएको छ अनि विद्रोही लडाकूहरूले चारजना सुरक्षाकर्मीलाई नियन्त्रणमा लिएका छन् । सामाजिक सञ्जालमा शेयर गरिएका भिडियोहरूमा युनिफर्म लगाएका सुरक्षाकर्मीको मृत शरीर देखिएको छ अनि आगो लगाइएको प्रहरी चौकी र वाहन पनि देखिएको छ ।
उक्त शहर राजधानी नेपीदभन्दा १०० किलोमिटर पूर्वतिर पर्छ । स्वायत्त राज्यको माग गर्दै सशस्त्र विद्रोही समूहहरूले लडाइँ गरिरहेको क्षेत्र नजिकै त्यो ठाउँ छ ।
म्यान्मारको सैन्य शासकले यस विषयमा टिप्पणी गरेको छैन ।
सेनाले शासन हात पारेदेखि निरन्तर प्रदर्शन हुँदै आइरहेका छन् भने विद्रोहीहरू रहेको क्षेत्रमा पनि भिडन्तहरू भइरहेका छन् ।
