३० जेठ २०८३, शनिबार
भारतमा एक जोडीले लकडाउनको प्रतिबन्ध छल्नका लागि १६० जना पाहुनाहरूका साथ विमानमा चढेर आकाशमा विवाह गरेको छ ।
राकेश र दक्षिणाले आइतवार मदुरैबाट स्पाइसजेट विमानलाई चार्टरमा उडाएर विमानभित्र विवाह गरेका थिए ।
बोइङ ७३७ मा १६० भन्दा बढी बढी विवाह समारोहमा भाग लिन पुगेका थिए । भिडियोमा उनीहरू सबै खचाखच भई विमानमा बसेको देखिन्छ ।
मदुरै तमिलनाडुमा पर्छ र त्यहाँ विवाहमा ५० जनाभन्दा बढी भेला हुन नपाउने नियम लगाइएको छ ।
मदुरै मीनाक्षी अम्मा मन्दिरको ठीक माथि विमानमा विवाह समारोह आयोजना गरिएको विमानस्थल अधिकारीहरूले पनि चाल पाएनन् ।
विवाह समारोहका तस्वीर र भिडियो सामाजिक सञ्जालमा राखिएको थियो । त्यसमा मानिसहरू गलामा माला लगाएर सेल्फी खिचिरहेको देखिन्छ ।
उनीहरू कसैले पनि मास्क लगाएको अनि सामाजिक दूरी कायम गरेको देखिँदैन ।
नागरिक उड्डयनको महानिर्देशनालयले दुलाहा दुलही तथा पाहुनाहरूका विरुद्ध एयरलाइन्स कम्पनीले उजुरी गर्नुपर्ने सुझाव दिएको छ । ती सबैलाई यात्रुवाहक विमानमा प्रतिबन्ध लगाउन सकिनेछ ।
