काठमाडौं, १३ पुस–संविधान संशोधनलाई संसदको प्रक्रियामा लान सत्तारुढ कांग्रेस माओवादीले गरेको प्रस्तावलाई एमाललेले अस्विकार गरेको छ । यद्दपी चुनावमा जाने कुरामा भने दलहरु सहमत देखिएका छन् । \
बुधबार प्रधानमन्त्री पुष्पकमल दाहाल प्रचण्डले आह्वान गरेको तीन दलको बैठकमा प्रधानमन्त्री प्रचण्डले संसद खोल्न एमालेसँग आग्रह गरेका थिए । तर, एमाले अध्यक्ष ओलीले संविधान संशोधनका लागि संसद खोल्न खुलाउन नसकिने बताएको उपप्रधानमन्त्री विमलेन्द्र निधिले बताए । निधिले एमालले चुनावमा जानका लागि संसद खोल्न सकिने बताएको जनाए ।
बैठकपछि एमाले नेता भीम रावलले प्रधानमन्त्रीले निर्वाचन, संशोधन प्रस्ताव र महाभियोगको प्रस्तावलाई सँगसँगै लैजाने प्रस्ताव गरेको बताए ।
यद्यपी सो प्रस्ताव आफूहरुले अस्वीकार गरेको भन्दै रावलले पहिला चुनावको मिति घोषणा गर्ने र अरु विषयमा छलफल गर्दै जानुपर्ने विषयमा आफूहरुले बैठकमा कुरा राखेको जानकारी दिए ।
एमाओवादी नेता नारायणकाजी श्रेष्ठले निर्वाचन घोषणा हुने सहमतितिर वार्ता अघि बढेको बताउदै यही हप्ताभित्र चुनावको मिति घोषणा हुने बताए । उनले संशोधन प्रस्ताव र चुनाव सँगसँगै लैजाने विषयमा छलफल केन्द्रीत रहेको बताए ।
