भारतका यूट्युबे समीक्षक तथा कलाकार कमाल आर खान (केआरके) सलमान खानसँग निहुँ खोजेर चर्चामा छन् । 

सलमानको राधे फिल्मको समीक्षा गर्दै धज्जी उडाएपछि सलमानका वकिलले कमाललाई मानहानिको नोटिस पठाएका थिए । 

यसैबीच सलमानको प्रतिरक्षा गर्दै गायक मिका सिंह पनि आएपछि कमालले मिकालाई रद्दी गायक भन्दै अपमान गरेका छन् । 
 

मिका सिंहले आफू कमालको घर गएको र त्यहाँ जाँदा कमालले घर बेचिसकेको थाहा पाएको दाबी गरेका छन् । 

कमाल अहिले दुबईमा बस्छन् । मुम्बईमा रहेको कमालको घर मिका सिंहको स्टुडियो नजिक छ ।

त्यसैले मिकाले कमालको घर गएर मतभेद हटाउने कोशिश गरेको तर घर जाँदा कमालको नेमप्लेट हटिसकेको र उनी त्यहाँबाट डराएर भागिसकेको बताए । 
 

मिकाले कमाललाई नडराउन र फर्केर आउन भनेका छन् । 

यस विषयमा मिकाले आफ्नो ट्विटर अकाउन्टमा भिडियो राखेका छन् ।

Yar itna bhi kya darna hadd hai , tumne apna ghar hi bech diya … 🤭🤭🤭🤭🤭🤭 https://t.co/LmMn9VLezM

— King Mika Singh (@MikaSingh) June 3, 2021