परराष्ट्र मन्त्रीको जिम्मेवारी पूरा गरी बिदा भएका एमाले नेता प्रदीप कुमार ज्ञवालीले  शुक्रबार नै गाडी फिर्ता गरेका छन् । उनले आफूले प्रयोग गर्दै आएका सवारी साधन र ल्यापटप (म्याकबुक प्रो) आजै मन्त्रालयलाई फिर्ता गरेको सामाजिक सञ्जालमार्फत जानकारी दिएका हुन् ।
उनले  पुल्चोक स्थित सरकारी निवास भोलि बिहान छाड्ने पनि जानकारी  गराएका छन् ।

यस्तै उनले आफ्नो कार्यकालमा सहयोग गर्ने सबैप्रति धन्यवाद ज्ञापन गरेका छन् ।
उनले मन्त्री रहँदाको अवधिमा विदेश  भ्रमण बापतको लेभी ३,१४,९३० र पारिश्रमिक बापत्को लेभी ६,२०,००० गरी  जम्मा ९,३४,९३० रुपैयाँ पार्टी खातामा जम्मा भएको बताएका छन् । त्यसमा पारिश्रमिकको कर कट्टीबापत ३,७२,४९१ रुपैयाँ १३ पैसा सरकारी कोषमा दाखिला भएको  र हाल आफ्नो खातामा ७,४१,७७५ रुपैयाँ ६० बचत रहेको जानकारी गराएका छन् ।