०८ असार २०८३, सोमबार
टर्कीमा रहेको मारमरा समुद्रमा समुद्री सिँगान (सी स्नट) आएपछि जीवजन्तुहरू संकटमा परेका छन् ।
यस्तो अवस्थामा टर्कीका वातावरणमन्त्रीले यसलाई छिट्टै हल गर्ने बताएका छन् । विपत व्यवस्थापन योजना बनाएर समुद्रको भविष्यलाई सुरक्षित बनाउने उनको भनाइ छ ।
बाक्लो र चिप्लो अर्ग्यानिक वस्तुलाई मरिन म्युकिलेज भनिन्छ र त्यो इस्तानबुलको दक्षिणपट्टि समुद्रमा फैलिएको छ ।
बन्दरगाह, तटीय क्षेत्र र समुद्रको जललाई यो खैरो पदार्थ जम्मा भएको छ । यसले गर्दा सामुद्रिक प्राणीहरूको जीवन खतरामा छ ।
वातावरणमन्त्री मुरात कुरुमले मारमरा समुद्रलाई संरक्षित क्षेत्र घोषणा गरिने, प्रदूषण घटाइने र तटीय शहर तथा जहाजबाट आएको फोहर पानी सफा गर्ने बताएका छन् ।
उनले सामुद्रिक सफाइ कार्यक्रममा स्थानीय बासिन्दा, कलाकार र गैरसरकारी संस्थाहरूलाई सहभागी हुन आह्वान गरेका छन् । सफाइ मंगलवारबाट शुरू गरिनेछ ।
