०३ असार २०८३, बुधबार
जनता समाजवादी पार्टी (जसपा) नेपालका अध्यक्ष महन्थ ठाकुर पक्षका २० सांसदले २ नम्बर प्रदेशसभा बैठक बहिष्कार गर्ने भएका छन् ।
ठाकुर पक्षधर प्रदेशसभा सदस्यहरूको बैठकले प्रदेशसभा बहिष्कार गर्ने निर्णय गरेको नेता परमेश्वर साह सुडीले जानकारी दिए ।
उनका अनुसार पार्टी विधान प्रक्रिया विपरीत संसदीय दलको नेतामा मुख्यमन्त्री लालबाबु राउतलाई चयन गरिएपछि बैठक बहिष्कार गर्ने निर्णय गरिएको छ ।
पार्टीका अर्का अध्यक्ष उपेन्द्र यादव पक्षधर मुख्यमन्त्री राउतले आइतवार ठाकुर पक्षधर ४ मन्त्री र राज्यमन्त्रीलाई पदमुक्त गरेका छन् । यादव पक्षधर मुख्यमन्त्री राउतले प्रदेश सभामा नेपाली कांग्रेस र नेकपा माओवादी केन्द्रसँग मिलेर जाने सहमति गरेका छन् ।
