१४ असार २०८३, आइतबार
भारतको महाराष्ट्र राज्यस्थित पुणे शहरको एक केमिकल फ्याक्ट्रीमा भीषण आगलागी हुँदा कम्तिमा १८ मजदुरको मृत्यु भएको छ ।
स्थानीय समयअनुसार सोमवार साँझ उक्त फ्याक्ट्रीमा आगलागी भएको हो ।
आगलागी हुँदा फ्याक्ट्रीमा ३७ जना मजदुर काम गरिरहेको बीबीसीले उल्लेख गरेको छ ।
प्रधानमन्त्री नरेन्द्र मोदीले आगलागीमा ज्यान गुमाएकाहरूको परिवारका लागि दुई लाख रुपैयाँ र घाइतेको उपचारका लागि ५० हजार दिने घोषणा गरेका छन् ।
फायर ब्रिगेड विभागका अनुसार केही मजदुरहरू अझै पनि बेपत्ता छन् र उनीहरूको खोजी कार्य जारी छ ।
