०६ असार २०८३, शनिबार
अमिनसहितको टोलीले जग्गा नापजाँच गर्दै गर्दा दाङको तुलसीपुरमा शुक्रबार दिउसो गोली चलेको छ ।
तुलसीपुर उपमहानगरपालिका वडा नम्बर–८ टिकरी बस्ने २४ वर्षीय पूर्ण वली स्थानीय मिलन केसीलाई ताकेर गोली प्रहार गरेका थिए ।
संयोगवश गोली उनलाई लागेन । गोली प्रहार गरी रा २ प ६७९२ नम्बरको मोटरसाइकलमा भाग्दै गर्दा वली र मोटरसाइकल चलाउने २१ वर्षीय आकाश चौधरीलाई पक्राउ गरेको इलाका प्रहरी कार्यालय तलुसीपुरका प्रहरी निरीक्षक झलक शर्माले लोकान्तरलाई जानकारी दिए । प्रहरीले दुवै जनालाई पेस्तोलसहित प्रहरीले पक्राउ गरेको छ ।
‘असवारा बनारी कुलो निर्माणको क्रममा अमिनसहितको टोली नापजाँचमा थियो’ शर्माले भने, ‘नापजाँच भइरदा वलीले कुलोले आफ्नो जग्गा मिचेको भनेर गोली चलाएको देखियो । पूर्ण ओली गोली चलाएर भाग्दै गर्दा पक्राउ गरिएको मोटरसाइकलमा भाग्दै गर्दा चौधरीले चलाएको थियो ।’ उनीहरुमाथि अनुसन्धान हुँदैछ । उनीहरुलाई इप्रका तुलसीपुरमा राखिएको छ ।
उनीहरूलाई शुक्रबार दिउँसो टिकरी नजिकै अश्वारा गनारी कुलोबाट पक्राउ गरिएको जानकारी दिए । उनले जग्गा विवादमा गोली चलेको बताए । तर, कसलाई गोली प्रहार गरिएको हो भन्ने बारेमा प्रहरीले केही खुलाएको छैन। घटनाको बारेमा थप अनुसन्धान भइरहेको प्रहरीले बताएको छ ।
