२८ असार २०८३, आइतबार
भारतका रक्षामन्त्री राजनाथ सिंहले देशको सीमावर्ती क्षेत्रमा सडक तथा सुरुङ बनाउने कामदार तथा इन्जिनीयरहरूलाई शुक्रवार धन्यवाद दिएका छन् ।
त्यसक्रममा बीआरओले नेपालको समेत भूमि हुँदै बनाएको कैलाश मानसरोवर सडकको पनि चर्चा गरे ।
विगत पाँचसात वर्षमा बीआरओले उल्लेख्य उपलब्धि हासिल गरेको भन्दै गर्दा उनले मानसरोवर सडकको कुरा झिकेका हुन् ।
पोहोर साल बीआरओले धारचुलालाई लिपुलेकसँग जोड्ने कैलाश मानसरोवर यात्रा मार्गको ८० किलोमिटर सडकको उद्घाटन गरेका थिए ।
नेपालको भूमि अतिक्रमण गर्दै बनाइएको उक्त सडकको नेपालले विरोध गरेको भए पनि भारतले त्यसलाई बेवास्ता गरेको छ ।
अहिले पनि नेपालको घोडेटो बाटो नै पुरिने गरी भारतले महाकाली नदीको तिरमा सडक निर्माणको काम जारी राखेको छ ।
आजको कार्यक्रममा सिंहले चारवटा सफ्टवेयरको शुभारम्भ गर्दै यसले संगठनको कामलाई थप प्रभावकारी बनाउने बताएका छन् ।
पिछले पांच-सात सालों में, BRO ने उल्लेखनीय उपलब्धियाँ हासिल की हैं। वह चाहे नए-नए विश्वस्तरीय निर्माण कार्यों जैसे 'अटल टनल, रोहतांग' का लोकार्पण हो, कैलाश मानसरोवर यात्रा के लिए नए मार्ग का निर्माण हो, BRO ने लगातार नए रिकॉर्ड कायम किए हैं। pic.twitter.com/O3d8UxLmoQ
— Rajnath Singh (@rajnathsingh) June 11, 2021
