२७ असार २०८३, शनिबार
डेनमार्डका मिडफिल्डर क्रिष्टियन एरिक्सनको सम्मानमा बेल्जियम स्टार रोमेलु लुकाकुले गोल समर्पित गरेका छन् । रुसविरुद्धको खेलमा उनले १० औं मिनेटमा गोल गरेका थिए । सो गोललगत्तै उनी मैदानको साइडमा राखिएको टेलिभिजन क्यामेरा नजिक आए र एरिक्सनलाई सम्झिए । उनले क्यामेरातर्फ फर्किएर चिच्याए – क्रिस आई लभ यू ।
शनिबार राति डेनमार्क र फिनल्यान्डबीचको खेल चलिरहँदा एरिक्सन मैदानमै ढलेका थिए । हाल उनको होस खुलेको र अस्पतालमा उपचार भइरहेको छ ।
लुकाकुले एरिक्सनको सम्मानमा एक गोल समर्पित गरेको खेलमा बेल्जियमले रुसलाई ३–० ले पराजित गरेको छ । जसमा लुकाकुले दुई गोल गरे ।
स्मरण रहोस् लुकाकु र एरिक्सन इन्टर मिलानबाट खेल्छन् भने दुबै टीममा प्रभावशाली खेलाडी मानिन्छन् ।
