२२ असार २०८३, सोमबार
स्पेनको रियाल मड्रिड क्लबमा १६ वर्ष बिताएका डिफेन्डर सर्जिओ रामोसले क्लब छोड्ने निर्णय लिँदा सबैजना छक्क परेका छन् ।
क्लब छोडेपछि रामोसले भित्री कट्टु र हातमा पञ्जा मात्र लगाएर पाखोमा दौडिएको भिडियो सार्वजनिक गरेका छन् । आफूमा स्टामिना रहेको देखाउन उनले यसो गरेका हुन् ।
क्लब अध्यक्ष फ्लोरेन्तिनो पेरेजसँग मनमुटाव भएपछि रामोसले क्लब छोड्ने निर्णय लिएका हुन् । युरो कपमा पनि रामोस छानिएका छैनन् ।
करीयरको अन्त्यतिर पुग्न लागेका रामोसको साटो नयाँ खेलाडीलाई मौका दिन स्पेन र रियाल मड्रिड दुवैले चाहेको बताइएको छ ।
तर रामोस अझै पनि मजबूत खेलाडी हुन् र उनमा फूटबलको लामो अनुभव छ । युरोपका शीर्ष क्लबहरूले उनलाई भित्र्याएर डिफेन्स बलियो बनाउन खोजेको चर्चा चलेको छ ।
त्यसैले आफूलाई किन्न सक्ने क्लबहरूलाई आफू पूरै फिट छु भनी देखाउनका लागि रामोस अर्धनग्न भएर दौडिएका हुन् ।
