कोलम्बियाको कुकुता शहरमा रहेको एक सैन्य अड्डामा दुईवटा विशाल बम विस्फोटनका घटना भएको त्यहाँका रक्षामन्त्री डिएगो मोलानोले पुष्टि गरेका छन् । 

मंगलवार अपराह्न राष्ट्रिय सेनाको तीसौं ब्रिगेडले उपयोग गरेको भवनमा भएका विस्फोटका कारण ३६ जना घाइते भएका छन् । तीनजनाको स्थिति गम्भीर रहेको रक्षामन्त्री मोलानोको भनाइ छ । 

दुईजना एउटा सेतो टोयोटा पिकअपमा आएर अड्डाअगाडि रोकिएको र आफूलाई अधिकारी भनी चिनाएको अनि त्यसको केही समयपछि विस्फोट गराएको मोलानोले जानकारी दिए । 

कुनै समूहले विस्फोटनको जिम्मेवारी नलिएको भए पनि रक्षामन्त्रीले नेसनल लिबरेसन आर्मी नामक विद्रोही समूह यसका लागि जिम्मेवार रहेको हुन सक्ने मोलानोले बताए । 
 

रिभोल्युसनरी आर्म्ड फोर्सेस अफ कोलम्बिया (फार्क) का विद्रोहीहरू पनि शंकाको घेरामा रहेको उनले बताए । 

सन् २०१६ मा सरकार र फार्कबीच भएको शान्ति सम्झौताले दशकौंदेखिको द्वन्द्व अन्त्य गरेको थियो । 
 

Colombia car bomb footage - 30 injuries now reported amongst military members pic.twitter.com/LgNuUjSNCC

— ASB News / MILITARY〽️ (@ASBMilitary) June 15, 2021

Video of the second explosion of the car bomb at the 30th brigade of the Colombian army in Cúcuta. It appears there were 2 explosions, both were significant explosions #Colombia pic.twitter.com/IJGRamc6a0

— CNW (@ConflictsW) June 15, 2021