कोरोना संकटको बेलामा अमेरिका र चीनले खोप कूटनीति अपनाउँदै आआफ्नो छवि चम्काउने प्रयास गरिरहेका छन् । 

खोप बनाउन र किन्न अक्षम गरीब मुलुकहरूलाई यी दुवै देशले खोप उपलब्ध गराइरहेका हुन् । 
 

यसैबीच अमेरिकाले ट्रिनिडाड यान्ड टोबागो नामक देशलाई जम्मा ८० भियाल खोप पठाएको छ । यति थोरै खोप पठाएकोमा चीनको सरकारी मिडियामा मानिसहरूले मजाक उडाएका छन् । 

चन वेहुआले यो त नर्सिङ होमलाई दान दिएजतिको मात्रा भएको बताए । 

अमेरिकाको परराष्ट्र मन्त्रालयले यति थोरै फाइजर खोप दान दिएको विषयमा ट्वीट गरेपछि चिनियाँहरूले मजाक उडाउने अवसर पाएका हुन् । 

अमेरिकाका राष्ट्रपति जो बाइडनले खोप कूटनीतिमार्फत संसारभरिबाट सद्भावना प्राप्त गर्न फाइजरको खोप गरीब देशहरूलाई बाँड्ने बताएका थिए । अमेरिकाले जुन महिनाको अन्त्यसम्ममा ८ करोड डोज दान गर्ने वाचा गरेको छ । 
 

That is more like the amount of donating to a nursing home, not a whole country.

— Chen Weihua （陈卫华） (@chenweihua) June 14, 2021