२८ जेठ २०८३, बिहीबार
बेलायतको म्यानचेस्टरमा बस्ने एक महिला घना कपालका कारण चर्चित छिन् ।
कट्रिना डेमर्स नाम गरेकी यी महिलाको कपाल चार फीट १० इन्च लामो छ ।
१० वर्षको उमेरदेखि उनले कपाल पाल्न थालेकी हुन् ।
कट्रिनाका अनुसार, उनको कपाल देखेर पुरुषहरू एकदमै उत्साहित हुन्छन् । कपाल छुनका लागि मात्र पनि उनीहरू पैसा दिन तयार छन् ।
एक पुरुषले कपाल किन्नका लागि ४ करोड रुपैयाँ दिने प्रस्ताव समेत गरेको उनले बताइन् ।
हेयर मोडल कट्रिना हप्ताको दुईपटक कपाललाई श्याम्पूले नुहाउँछिन् । कपाल नुहाउन र सुकाउन उनलाई दुई घन्टा लाग्छ । दिनदिनै उनी कन्डिसनर लगाउँछिन् ।
यति लामो कपाल हुँदा टाउको तातो रहने उनको भनाइ छ । कपाललाई स्वस्थ राख्नका लागि उनी प्रत्येक महिना केही इन्च ट्रिम गर्छिन् । ट्रिम पनि नगर्ने हो भने कपालले भुइँ छुने उनी बताउँछिन् ।
उनी आफ्नो लामो कपालका तस्वीर इन्स्टाग्राममा शेयर गरिरहन्छिन् । 
