०४ असार २०८३, बिहीबार
कोरोना महामारीविरुद्ध स्वास्थ्य क्षेत्रको क्षमता अभिवृद्धि गर्न विश्व बैकको सहयोगमा खरिद गरिएका १० लिटर क्षमताका ९८२ वटा अक्सिजन कन्सन्ट्रेटर नेपाल सरकारलाई हस्तान्तरण गरिएको छ ।
नेपाल, मालद्विभ्स र श्रीलंकाका लागि बैंकका देशीय निर्देशक फारिस हादाद जेर्भोसले स्वास्थ्य तथा जनसंख्यामन्त्री शेरबहादुर तामाङलाई शनिवार राजधानीमा आयोजित एक कार्यक्रममा ती उपकरण हस्तान्तरण गरे ।
त्यस अवसरमा उनले प्राप्त सहयोगका निम्ति बैंकप्रति कृतज्ञता व्यक्त गर्दै ती उपकरण यथाशक्य चाँडो ७ वटै प्रदेशस्थित स्वास्थ्य प्रतिष्ठानमा पुर्याइने बताए । निर्देशक जेर्भोसले अहिलेको असहज अवस्थामा विकासका साझेदारसँग मिलेर नेपाल र नेपालीलाई सघाउन बैंक प्रतिबद्ध रहेको बताए ।
बैंकको कोभिड–१९ आपतकालीन प्रतिकार्य तथा स्वास्थ्य प्रणाली तयारी परियोजनाअन्तर्गत प्रदान गरिएको रकमबाट परियोजना सेवाका लागि संयुक्त राष्ट्रसंघीय कार्यालयले ती अक्सिजन कन्सन्ट्रेटर खरिद गरेको हो ।
कार्यालयले आगामी ६ देखि १५ हप्ता भित्रमा ७ वटै प्रदेशस्थित प्रदेश अस्पतालमा अक्सिजन उत्पादन गर्ने उपकरण जडान एवं सञ्चालन गरिसक्ने बैंकले जनाएको छ ।
