०२ असार २०८३, मंगलबार
आर्मेनियाका प्रधानमन्त्री निकोल पाशिन्यानको दलले समयअगावै आह्वान गरिएको संसदीय निर्वाचनमा ५३.९ प्रतिशत मत ल्याएर विजय हासिल गरेको छ ।
अजरबैजानसँगको युद्धमा हारेपछि पाशिन्यानलाई राजीनामा दिएर आमनिर्वाचन घोषणा गर्न दबाब परेको थियो ।
तर उनका प्रतिद्वन्द्वी रोबर्ट कोचार्यानको दलीय गठबन्धनले जम्मा २१ प्रतिशत ल्याउन सक्यो ।
विजेता दल वा गठबन्धनले कम्तीमा ५१ प्रतिशत सीट जिते मात्र सरकार गठन गर्न पाउँछन् ।
आरम्भिक नतिजा आउन थालेलगत्तै पाशिन्यानले विजय घोषणा गरेका थिए । तर कोचार्यानको गठबन्धनले यसलाई अवज्ञा गर्दै निर्वाचनमा धाँधली भएको आरोप लगाएको थियो ।
आइतवार भएको चुनावमा चारवटा गठबन्धन तथा २१ वटा दल भिडेका थिए ।
तर वास्तविक प्रतिस्पर्धा पाशिन्यान र कोचार्यानका बीच भएको थियो ।
