१४ असार २०८३, आइतबार
काठमाडाैं, २२ जेठ- वर्षात् गराउने प्रणाली विकसित नहुँदा राजधानी उपत्यकासहित मुलुकभर अत्यधिक तापक्रम बढेको छ ।
मौसम पूर्वानुमान महाशाखाको पछिल्लो विवरणअनुसार उपत्यकामा आइतबार यो वर्षकै बढी तापक्रम ३२ डिग्री सेल्सियस पुगेको छ । तापक्रम बढेपछि वर्षकै बढी गर्मी महसुस गरिएको महाशाखाले जनाएको छ ।
महाशाखाले आज बिहान ८ः४५ मा राखेको विवरणअनुसार काठमाडौँको अधिकतम तापक्रम ३२ र न्यूनतम २१ डिग्री सेल्सियस रहेको छ । देशका अधिकांश भेगमा बदली भएकाले आजको तापक्रम २९ देखि ३० को हाराहारीमा पुग्ने अनुमान महाशाखाको छ ।
महाशाखाका अनुसार आज देशका धेरै स्थानमा बदली भएको छ । अहिले पूर्वी पहाडी र मध्यका उपत्यकासहितका क्षेत्रमा वर्षात् भइरहेको छ ।
