काठमाडौं, २२ जेठ– विश्वका लागि खतरा सावित हुँदै गएको आतंकवादी गतिविधिका विरुद्ध फेसबुक पनि सामेल भएको छ । कम्तिमा ७ जनाको ज्यान जानेगरी शनिबार राति बेलायतको लण्डनमा भएको आतंककारी हमलापछि फेसबुकले आतंककारीहरु विरुद्ध उसकै सब्दमा ‘ठूलो कमद’ चाल्ने भएको हो ।
फेसबुकले एक नोट जारी गर्दै आतंकवादी गतिविधि विरुद्ध ठूलो कदम चाल्ने बताएको हो । यद्यपि यसको कदम कस्तो हुनेछ भन्ने विषयमा केही खुलाइएको छैन ।
लण्डन हमला बेलायती प्रधानमन्त्री टेरेसा मेले फेसबुक, गूगल र ट्वीटरजस्ता इन्टरनेट फर्ममार्फत कारबाहीमा सहयोगको माग गरेकी थिइन् ।
आफ्नो एक बयान जारी गर्दै फेसबुकले लण्डन हमलाको कडा निन्दा गरेको छ । साथै आतंककारीविरुद्ध चाँडै नै एक ठूलो कदम उठाउने पनि फेसबुकले जानकारी दिएको छ ।
फेसबुकले आतंकवादसँग सम्बन्धित सामग्री हरसम्भव हटाउन प्रयास गरिने बताएको छ । आतंककारी गतिविधिको शंका लाग्ने वित्तिकै यसबारे सुरक्षा एजेन्सीलाई जानकारी फेसबुकले घोषणा गरेको छ ।
यस्तै, अर्को सामाजिक सञ्जाल ट्वीटरले पनि आफ्नो प्लेटफर्ममा आतंककारी सामग्री र गतिविधिको प्रचार प्रसारमाथि रोक लगाउने काम गरिरहेको बताएको छ ।
ट्वीटर पब्लिक पोलिसीका प्रमुख हेड निक पिकल्सले ट्वीटरमा आतंकवादी र आतंकसँग सम्बन्धित कुनै पनि सामग्रीको लागि स्थान नभएको बताएका छन् ।
