०४ असार २०८३, बिहीबार
राष्ट्रिय प्रजातन्त्र पार्टी जिल्ला कार्यसमिति कैलालीको पहलमा कोरोना भाइरस (कोभिड–१९) का कारण प्रभावित बिरामीहरूका लागि सेती प्रादेशिक अस्पताललाई ३५ थान अक्सिजन सिलिन्डर हस्तान्तरण गरिएको छ ।
हङकङ स्थायी निवासी सिन हौतुङ र अमरधन मेमोरियल फाउन्डेसनका संस्थापक त्रिलोक गुरुङको सहयोगमा ३५ थान अक्सिजन सिलिन्डर हस्तान्तरण गरिएको कुरा राप्रपाका युवा नेता पुरू दाहालले बताए ।
स्वास्थ्य सामाग्री हस्तान्तरण कार्यक्रममा राप्रपाका केन्द्रीय सदस्य ललित जोशी, छत्र मल्ल, कैलाली जिल्ला अध्यक्ष होमबाहादुर गुरुङ लगायत विभिन्न भ्रातृ संगठनका नेता तथा कार्यकर्ताको उपस्थिति रहेको थियो ।
