०३ असार २०८३, बुधबार
देशभर मनसुनी वायुको सक्रिय प्रभाव रहेको जल तथा मौसम पूर्वानुमान महाशाखाले जनाएको छ । हाल देशको तराई भूभाग नजिक मनसुनी न्युन चापीय रेखा रहेको पनि महाशाखाले जनाएको छ।
यस्तै हाल देशभर सामान्यदेखि पूर्ण बदली रहेको पनि महाशाखाले जनाएको छ भने प्रदेश १, २ बागमती र गण्डकी प्रदेशका धेरै स्थानहरुमा हल्कादेखि मध्यम वर्षा भईरहेको छ ।
यसैबीच बुधबार दिउँसो देशभर सामान्यदेखि पूर्ण बदली रहने महाशाखाले पूर्वानुमान गरेको छ । प्रदेश १, २, बागमती र गण्डकी प्रदेशका धेरै स्थानहरुमा साथै लुम्बिनी, कर्णाली र सुदूरपश्चिम प्रदेशका थोरै स्थानहरुमा हल्कादेखि मध्यम वर्षाको सम्भावना पनि रहेको छ ।
यस्तै प्रदेश १, प्रदेश २, बागमती, लुम्बिनी र गण्डकी प्रदेशका थोरै स्थानहरुमा भारी वर्षा तथा एक दुई स्थानहरुमा धेरै भारी वर्षाको सम्भावना रहेको छ ।
यसैगरी राति देशभर सामान्यदेखि पूर्ण बदली रहनेछ भने प्रदेश १, २, बागमती र गण्डकी प्रदेशका धेरै स्थानहरुमा साथै लुम्बिनी, कर्णाली र सुदूरपश्चिम प्रदेशका थोरै स्थानहरुमा हल्का देखि मध्यम वर्षाको सम्भावना रहेको छ । प्रदेश १, प्रदेश २, बागमती, लुम्बिनी र गण्डकी प्रदेशका थोरै स्थानहरुमा भारी वर्षा तथा एक दुई स्थानहरुमा धेरै भारी वर्षाको सम्भावना रहेको पनि महाशाखाको दैनिक बुलेटिनमा उल्लेख छ ।
